لمين رُكّاب أوبس؟
لأي فريق بيشتغل برّا المكتب وبده يتواصل بسرعة بدون ما يرفع سماعة:
شركات التوصيل
وجّه المندوبين وغيّر الطلبات لحظة بلحظة.
شركات الحراسة
غرفة عمليات وحرّاس على مواقع متفرقة بقناة وحدة.
النقل المدرسي والسياحي
المشرف بيحكي مع كل الباصات بضغطة.
فرق الصيانة والمقاولات
مهندس الموقع وطواقم العمل بدون صراخ ولا مكالمات.
الفعاليات والمهرجانات
منظّمون ومتطوعون على قناة مؤقتة لأيام الفعالية.
أساطيل الشحن والمركبات
السائقون والمستودع والإدارة على تواصل دائم.
شو بيعمل التطبيق؟
اضغط مطولاً وتحدّث
زر كبير بنص الشاشة: اضغط مطولاً للإرسال وارفع إصبعك للإنهاء. نغمة قصيرة قبل ما يفتح المايك، ولو حدا بيحكي بنفس اللحظة بيقلّك "الخط مشغول" بدل ما يتداخل الصوت.
للكل، للإدارة، أو لشخص واحد
الإدارة بتبعت لكل الفريق أو لعضو محدد. والعضو بيحكي مع الإدارة، ومع الكل أو مع زميل محدد إذا الإدارة سمحت بهيك. مين بيحكي الآن بيظهر باسمه، وبضغطة وحدة بتردّ عليه.
مين متصل الآن
عدد المتصلين قدّامك دائماً، وقائمة الأخيرين اللي حكيت معهم، وبحث سريع بالاسم أو رقم الهاتف أو رقم اللوحة. ولو انقطع النت، التطبيق بيرجع يتصل لحاله.
خريطة حيّة لفريقك
كل أعضاء فريقك على الخريطة بلون حالتهم (متاح، في رحلة، استراحة، منقطع) وسرعتهم. اضغط على أي واحد لتحكي معه أو تتبّعه على الخريطة. ثلاثة أنواع خرائط: شوارع، قمر صناعي، وخارطة رُكّاب اللي بتشتغل بدون إنترنت بعد تحميلها مرة وحدة.
بطاقة لكل عضو
قائمة الأعضاء مع حالتهم وآخر موقع وعنوانهم الحالي بالكلمات. افتح بطاقة أي عضو وشوف بياناته ومركبته واشتراكه، ومنها مباشرة: تحدّث، اتصل، ابعت إشعار، أو شوفه على الخريطة.
إشعارات مكتوبة
لما الصوت ما يكفي: الإدارة بتبعت إشعاراً مكتوباً بعنوان ونص لكل الفريق أو لأعضاء محددين، وبيوصلهم فوراً مع قائمة بكل الإشعارات الواردة.
موقع العضو بالخلفية
مع خدمة المتابعة، تطبيق العضو بيبعت موقعه للإدارة حتى والشاشة مغلقة، مع إشعار واضح على هاتفه إنه موقعه بينرسل. فالخريطة عند الإدارة حيّة فعلاً.
دعم فني داخل التطبيق
محادثة مباشرة مع فريق دعم رُكّاب من داخل التطبيق، بتدعم الصور من الكاميرا أو المعرض والروابط.
صوت واضح وبيانات قليلة
ترميز Opus بيعطيك صوتاً واضحاً باستهلاك منخفض جداً للبيانات، فبيشتغل على أي باقة موبايل عادية ومع سماعة البلوتوث.
تسجيل برقم الجوال فقط
العضو بيدخل رقمه وبيستلم رمز تحقق، وأول مرة بيعبّي اسمه وهويته ومدينته وبينتظر موافقة الإدارة. لا كلمة مرور ولا إعدادات. والإدارة بتدخل بحساب بوابة الشركة.
كيف تبدأ؟
- 1تواصل معنا وقلّنا شو فريقك وكم عضو. بنفتحلك مجموعة خاصة ومغلقة باسمك.
- 2كل عضو بيحمّل التطبيق وبيسجّل برقم جواله ورمز التحقق. لا كلمة مرور ولا إعدادات.
- 3بنفعّل الأعضاء على مجموعتك، ومن اللحظة بيقدروا يحكوا مع الإدارة ومع بعض حسب الصلاحيات اللي بتحددها.
- 4اشتراك شهري بسيط لكل مستخدم، تضيف أو تحذف أعضاء بأي وقت. ولو بدك خريطة حيّة لفريقك، خدمة المتابعة بتنضاف على نفس الاشتراك.
أسئلة شائعة
هل أحتاج أجهزة خاصة؟⌄
لا. أي هاتف أندرويد أو iPhone بيكفي، والصوت بيطلع من سماعة البلوتوث لو كانت موصولة.
هل بيحتاج إنترنت قوي؟⌄
بيشتغل على بيانات الموبايل العادية باستهلاك قليل جداً. والخريطة إلها وضع بدون إنترنت بتحمّله مرة وحدة.
هل بيسمعني حدا من برّا فريقي؟⌄
لا. كل مجموعة مغلقة على أعضائها، والإدارة هي اللي بتقرر إذا الأعضاء بيحكوا مع بعض أو مع الإدارة بس.
كم عضو بقدر أضيف؟⌄
ما في حد. الاشتراك لكل مستخدم، وبتضيف أو بتوقف أعضاء بأي وقت.
أنا عندي مكتب تكسي، هذا إلي؟⌄
مكاتب التكسي عندها نظام متكامل بيشمل PTT وأكثر. شوف صفحة نظام إدارة مكاتب التكسي.
فريقك كله بضغطة زر.
تواصل معنا وبنفتحلك مجموعة تجريبية لفريقك مجاناً.